कोंडगाव (साखरपा) : करोना महामारीच्या पार्श्वभूमीवर कोंडगाव (साखरपा, ता. संगमेश्वर, जि. रत्नागिरी) येथील श्री दत्तसेवा पतसंस्थेमार्फत खबरदारीचा उपाय म्हणून आर्सेनिकम अल्बम ३० या होमिओपॅथिक गोळ्यांचे वाटप संपूर्ण कोंडगावमध्ये विनामूल्य करण्यात येणार आहे. साखरपा प्राथमिक आरोग्य केंद्राचे डॉक्टर श्री. आदाते ह्यांना व त्यांच्या संपूर्ण स्टाफला गोळ्या देऊन नुकतीच या उपक्रमाची सुरुवात करण्यात आली. त्या वेळी भारतीय जनता पक्षाचे संगमेश्वर तालुका संघटन सरचिटणीस व कोंडगाव येथील श्रीराम देवस्थानचे अध्यक्ष अमित केतकर, पतसंस्थेचे संचालक डॉ. विद्याधर केतकर आणि होमिओपॅथी तज्ज्ञ डॉ. उदय पोंक्षे उपस्थित होते.
